آرمی چیف جنرل قمر جاوید باجوہ سے یونان کے سفیر نے ملاقات کی ۔ملاقات میں باہمی دلچسپی، تعاون، علاقائی سیکیورٹی اور افغانستان کی صورتحال پر تبادلہ خیال کیاگیا
ساجدشکیل 21ستمبر 2021
آئی ایس پی آر کے مطابق پاکستان میں یونان کے سفیر آندریس پاپاستروو نے جی ایچ کیو راولپنڈی کا دورہ کیا، جہاں آرمی چیف جنرل قمر جاوید باجوہ سے یونان کے سفیر نے ملاقات کی، ملاقات میں باہمی دلچسپی کے امور سمیت علاقائی سیکیورٹی، افغانستان کی صورتحال اور مختلف شعبوں میں باہمی تعاون پر تبادلہ خیال کیا گیا، پاک فوج کے سپہ سالار کا کہنا تھا کہ پاکستان عالمی شراکت داروں کیساتھ خطےمیں فروغ امن کیلئے پرعزم ہے، افغان عوام کے بہتر مستقبل کیلئے کوششیں جاری رکھیں گے، آئی ایس پی آر کی جانب سے جاری اعلامیہ کے مطابق آرمی چیف نے دو ٹوک الفاظ میں کہا کہ پاکستان ہرطرح کی سیاحت، کاروبار اور کھیلوں کیلئے محفوظ ملک ہے، آرمی چیف نے مزید کہا کہ ہر شعبے میں باہمی تعاون کے فروغ کی حوصلہ افزائی کریں گے، یونانی سفیر نے کورونا کے کنٹرول کیلئے پاکستانی کوششوں کی تعریف کی، یونانی سفیر نے افغانستان کیلئے پاکستان کے کردار اور غیر ملکی عملے کے انخلاء میں پاکستان کے تعاون کو بھی سراہا،
